फाइनल खेल वडा नं.१ बि र वडा नंं. ८ विच प्रतिष्पर्धा हुदै

बर्दिया । बढैयाताल गाउँपालिकाको शान्तिपुरमा दोश्रो वडा स्तरीय फुटबल प्रतियोगितामा आज भएको खेलमा निर्धारण गरेको समयावधिमा  २/२ गोल गरी खेल बराबरी भए पछि पेनाल्टी सुटमा वडा न १ बि ले वडा न.४ लाई ४ गोलको विरुद्ध ५ गोल प्रहार गरि वडा नं.१ बिजयी भएको छ । वडा न.४ लाई पराजित गरि वडा न.१ बि टिम फाइनल खेलमा प्रवेश गरेको छ ।

फाइनल खेल पुस १६ गते वडा नंं.१ बि टिम र वडा नं.८ विच हुने आयोजकले जनाएको छ । वडा नंं.८ ले वडा नंं.१ ए लाई पराजित गरि फाइनल खेलमा प्रवेश गरेको हो । खेल एकदम प्रतिष्पर्धात्मक तथा रोमाञ्चक भएको थियो । श्री जगम्बिका माविको खेल मैदानमा भएको सो खेल हेर्न दर्शकहरुको घुईचो रहेको छ ।

न्यु शान्ति स्पोर्ट्स क्लबको आयोजना तथा बढैयाताल गाउँ पालिका वडा न. १ को समन्वयमा सो फुटबल प्रतियोगिता शुरु भई रहेको छ । यही पुस १६ गते फाइनल खेल हुने र खेलको फेसबुक मार्फत प्रत्यक्ष प्रशारणको ब्यवस्था मिलाईएको क्लबका अध्यक्ष प्रेम पुनले जानकारी दिनुभयो । खेलमा प्रथम हुनेलाई ५० हजार र दोस्रो हुनेलाई २५ हजार नगदसहित सम्मान गरिने वडा न.१ का वडा अध्यक्ष प्रेम बहादुर थापा क्षेत्रीले बताउनुभएको छ ।