|
गत शनिबार जुन १३ का दिन अमेरिकाको राजधानी वाशिंगटन डिसीको दक्षिणपूर्वमा भएको गोलीकाण्डमा २ किशोरहरुको मृत्यु तथा ५ जना घाइते भएका छन् ।
जसमा २ जना १९ बर्षिय किशोरहरुको मृत्यु भएको छ भने ५ जना घाइते भएका छन् । डिसी महानगरका प्रहरी विभागले गत आइतबार एक विज्ञप्ति निकाली गोलीबारी राती ११ :३० मिनेटमा भएको जानकारी दिएका छन् ।
घटना डिसीको पार्कल्याण्ड प्लेस तथा माल्कोम एक्स एभेन्यु को दक्षिण स्थित ३१०० वाकलार्क प्लेस भवन क्षेत्रमा भएको थियो ।
प्रहरीलाई सूचना दिनेलाई २५ हजार डलर पुरस्कार राखेको छ ।
जव प्रहरीहरु त्यहा पुगेका थिए ७ जनालाई गोली हानिएको थियो । जस मध्ये ५ जनाको अवस्था जोखिम नरहेको प्रहरीले वक्तब्यमा उल्लेख गरेका छन् । तर चोटपटकको कारण डिसी कै उत्तरपूर्व बस्ने १९ बर्षिय जाइमिया जोनर तथा मेरिल्याण्डको डिस्ट्रिक हाइटमा बसोबास गर्ने १९ बर्षिय राशार्ड वाल्ड़ोको मृत्यु भएको छ ।
श्रोत : डब्लुटिओपी ;तस्बिर: डब्लुयुएसए९ डटकम
