बाँके /  केही दिन अघि रुकुममा घटेको घटानालाई लिएर बाँकेको खजुरा गाउपलिकाको रिमझिम बजारमा विरोध प्रदर्शन गरिएको छ।अन्तरजातीय प्रेमका कारण नवराज बिक लगायत ६ जनाको बीभत्स हत्या भएपछि हत्यारालाई कारबाहीको माग अनि पीडितको न्यायको आवाजसहित सगरमाथा सांस्कृतिक समुहद्वारा विरोध प्रदर्शन गरिएको हो।
मुलुकमा जातिय बिभेद तथा मानब अधिकार उल्लंघन भैरहेको भन्दै सत्य तथ्य छानविन गर्नका लागि, दोषीमाथि कानुनसम्मत कारबाही गर्नु पर्ने र जातिय भेदभाव अन्त्य गरिनु पर्ने मागसहित विरोध गरिएको हो। त्यसै गरि बर्दिया जिल्लाको बढैयातल गाउपलिकामा पनि दोषीमाथि कानुनसम्मत कारबाही गर्नु पर्ने र जातिय भेदभाव अन्त्य गरिनु पर्ने मागसहित विरोध गरिएको छ ।