नेपालगन्ज। नेपालगन्जमा पहिलोपटक आयोजना गरिएको बाँके जिल्लास्तरीय ‘नेपालगन्ज पम्प ट्रयाक च्यालेन्ज’ उत्साहपूर्ण वातावरणमा सम्पन्न भएको छ। करिब दुई वर्षअघि निर्माण गरिएको देशकै दोस्रो तथा ठूलो पम्प ट्रयाकमा यो पहिलो औपचारिक प्रतियोगिता हो।
प्रतियोगितामा पाँच क्याटेगरीमा प्रतिस्पर्धा गरिँदा मास्टर, इलाइट, जुनियर ए, बी र सी विधाका साइकलिस्टहरूले उत्कृष्ट प्रदर्शन गरेका थिए।
मास्टर क्याटेगरीतर्फ गगनसिंह थापाले प्रथम स्थान हासिल गरे। दिपक मल्ल द्वितीय, जन्गु चौधरी तृतीय र विशाल श्रेष्ठ चतुर्थ भए।
इलाइट क्याटेगरीमा बिरेन्द्र धोबीले उत्कृष्ट प्रदर्शन गर्दै प्रथम स्थान जिते। अनस खान दोस्रो, अनमोल गुप्ता तेस्रो र रोहित चौहान चतुर्थ बने।
जुनियर ए क्याटेगरीमा अनिश चौधरी प्रथम भए भने सुशंग धरकटवा दोस्रो, अंशु गुप्ता तेस्रो र रणबिर थारु चतुर्थ भए।
जुनियर बी क्याटेगरीमा अभिजंग थापाले प्रथम स्थान हात पारे। आदित्य मल्ल दोस्रो, राजन शाही तेस्रो र सौरभ सोन्कर चतुर्थ बने।
जुनियर सी क्याटेगरीमा सुप्रभात केसी प्रथम, अर्जित बर्मा दोस्रो, कौस्तुब चलाउने तेस्रो र शाश्वत केसी चौथो भए।
प्रतियोगिता देउसी–भैलो मार्फत संकलित रकमबाट आयोजना गरिएको देउसी–भैलो समूहका संयोजक कविराम बुढाथोकीले जानकारी दिए। खेलमार्फत युवा र बालबालिकालाई प्रेरित गर्ने उद्देश्यले प्रतियोगिता आयोजना गरिएको जनाइएको छ
प्रतियोगिताको व्यवस्थापकीय जिम्मेवारी नेपालगन्ज बाइसाइकलले लिएको थियो भने प्राविधिक सहयोग जिल्ला साइक्लिङ संघ बाँकेले गरेको थियो।

कार्यक्रम संयोजक गगन थापाका अनुसार, पम्प ट्रयाक निर्माण भएको दुई वर्षपछि पहिलोपटक औपचारिक प्रतियोगिता सञ्चालन गर्न पाउँदा स्थानीय खेलप्रेमी उत्साहित बनेका छन्।

नेपालगन्जमा पहिलोपटक आयोजना गरिएको बाँके जिल्लास्तरीय ‘नेपालगन्ज पम्प ट्रयाक च्यालेन्ज’ उत्साहपूर्ण वातावरणमा सम्पन्न भएको छ। करिब दुई वर्षअघि निर्माण गरिएको देशकै दोस्रो तथा ठूलो पम्प ट्रयाकमा यो पहिलो औपचारिक प्रतियोगिता हो ।