बाँके । जिल्ला साइकलिस्ट क्लब बाँकेले आयोजना गर्ने जिल्ला स्तरीय नेपालगञ्ज पम्प ट्र्याक च्यालेन्ज –२०२५ यही मंसिर १३ गते नेपालगञ्ज–१ को तेजनगरस्थित नेपालगञ्ज पम्प ट्र्याकमा हुने भएको छ। प्रतियोगिता बिहान ११:३० बजेबाट सुरु हुने आयोजकले बताएका छन्।

प्रतियोगिताको व्यवस्थापन नेपालगञ्ज साइकलिस्ट क्लबले गर्नेछ भने प्राविधिक सहयोग जिल्ला साइकलिस्ट संघ, बाँकेले प्रदान गर्नेछ।
नेपालगञ्जमा दोस्रो पटक आयोजना हुन लागेको यो ट्र्याक प्रतियोगिता यस क्षेत्रका युवा तथा बालबालिका खेलाडीलाई प्रोत्साहन गर्ने उद्देश्यले गरिएको हो। विश्व साइकल संघ (UCI) को मापदण्डअनुसार प्रतियोगिता सञ्चालन गर्दै Individual Time Trial (Best of 2 Lap) को आधारमा विजेता घोषणा गरिने क्लबले जनाएको छ।
प्रतियोगिताको विधातर्फ ५ वटा समूह रहनेछः
Master (30+)
Elite Male/Female (17–29)
Junior ‘A’ (13–16)
Junior ‘B’ (10–12)
Junior ‘C’ Kids (7–9 वा कम)
विजेता खेलाडीलाई नगद पुरस्कार, मेडल तथा प्रमाणपत्र प्रदान गरिनेछ।
कार्यक्रम सफलतापूर्वक सम्पन्न गर्न द फार्म हाउस, अफ म्युजिक, इभि नेपाल , ओम एडभरटाइजिङ, लाइक माइन्ड, चौलानि बुक्स , नेपालगन्ज स्वास्थ पोलिक्लिनिक प्रालि, नेपालगन्ज साईकलिङ क्लबले सहयोग नेपालगन्ज उप–महानगरपालिका वडा नं. १ ले पनि विशेष सहयोग गरेको आयोजकले जनाएको छ।

कार्यक्रम संयोजक गगन थापाका अनुसार, “यस प्रतियोगिताबाट पम्प ट्र्याक खेलको प्रवर्द्धन, खेलाडीको पहिचान तथा साइकल खेल समुदायलाई एकीकृत गर्न मद्दत पुग्नेछ,” भन्दै भविष्यमा यसलाई अझ ठूलो तथा राष्ट्रिय स्तरको प्रतियोगिताका रूपमा विस्तार गर्ने योजना रहेको बताए।