अमेरिका । १९औँ एसियाली खेलकुदकी रजत पदक विजेता एरिका गुरुङ युएसए ओपन अन्तर्राष्ट्रिय कराते २०२४ मा रजत पदकमा सीमित भएकी छिन् । ६८ किलो माथिको खुला तौल समूहमा अमेरिकाकी खेलाडीसँग ३–२ अंकले पराजित भएसँगै एरिका स्वर्णपदक जित्नबाट वञ्चित भएकी हुन् ।

एरिका खुला र उमेर समूह दुवैको फाइनलमा पुगेकी थिइन् । यसअघि उनले गएराति भएको खेलमा यू–२१ उमेर समूहमा ६८ किलो तौल समूहमा स्वर्णपदक जितेकी थिइन् ।

एरिकाले चीनको हाङझाओमा भएको १९औँ एसियाली खेलकुदमा करातेलाई ऐतिहासिक रजत पदक दिलाएकी थिइन् । एरिका र विप्लभलालका साथ प्रशिक्षकद्वय दीपक श्रेष्ठ र कुशल श्रेष्ठ पनि रहेका छन् ।