काठमाण्डौ / विश्व नेपाली साहित्य महासंघ नेपाल शाखाकी अध्यक्ष कल्पना पोडेल ’जिज्ञासु’ को पृथक नयाँ कृति संग्रह कल्पदीप’ को आवरण सार्वजनिक भएको छ । मंगलबार भर्चुअल माध्यामबाट उक्त संग्रह सार्वजनिक गरिएको हो । विश्व नेपाली साहित्य महासंघ नेपाल शाखाले आयोजना गरेको भानु २०९औं जयन्तीको विशेष कार्यक्रममा प्रमुख अतिथि रहेका प्रा. डा. ब्रतराज आचार्यद्वारा कल्पदीप’ को आवरण सार्वजनिक गरिएको हो ।

कार्यक्रममा प्रा. डा. आचार्यले प्रकाशन हुन लागेको नयाँ कृति ’कल्पदीप’ ले पाठकहरूको मन जित्न सफल हुने बताए । आवरणलाई पूणर्ता प्रदान गर्ने काम विद्या विकास पब्लिकेशनले गरेको थियो ।

कार्यक्रममा विनेसाम विश्व केन्द्रीय अध्यक्ष सुरेन्द्र लिम्बु परदेशी, प्रा. डा. राजेन्द्र बिमल, प्रा. डा. कुशमाकर न्यौपाने, प्रा. डा. गोविन्द मानसिंह कार्की, डा. रामभरोस कापडी, डा. प्रभा भट्टराईलगायत ५० बढी साहित्यकारहरूको उपस्थिति रहेको थियो कार्यक्रममा उपस्थित साहित्यकारहरूले भानुभक्तलाई मन्तव्य र रचना बाचन गरेर स्मरण गरेका थिए ।