|
अमेरिकी राष्ट्रपति जो बाइडेन तथा रुसका राष्ट्रपति भ्लादिमिर पुटिन बीच दूरवार्ता भएको छ ।
बाइडेनले रूसले युक्रेनमा आक्रमण गर्यो भने अमेरिका र उसका सहयोगीहरुले ‘निर्णायक रूपमा प्रतिक्रिया दिनेछन् र छिटो र गम्भीर मूल्य तिर्नेछ’ भनि पुटिनलाई चेतावनी दिए ।
ह्वाइट हाउसका अनुसार करिब एक घण्टा लामो एक वरिष्ठ प्रशासनिक अधिकारीले कुराकानी पछि पत्रकारहरूलाई भने कि छलफल सारपूर्ण थियो तर अमेरिकालाई रूसले अझै पनि सैन्य आक्रमण गर्न सक्छ भन्ने डर भएको बताए ।
दूरवार्ता(टेलिफोन कुराकानी )मा बाइडेनले पुटिनलाई आक्रमणको जोखिममा रहेको कुरा स्पष्ट गरेको छ।
“राष्ट्रपति बाइडेन स्पष्ट थिए कि ,यदि रूसले युक्रेनमा थप आक्रमण गर्छ भने संयुक्त राज्य अमेरिकाले आफ्ना सहयोगी र साझेदारहरूसँग मिलेर निर्णायक जवाफ दिनेछ र रुसले द्रुत र गम्भीर मूल्य चुकाउने छ।
ह्वाइट हाउसले एक विज्ञप्तिमा जारी गर्दै भन्यो, “राष्ट्रपति पुटिनलाई बाइडेनले स्पष्ट पारेको र संयुक्त राज्य अमेरिका कूटनीतिमा संलग्न हुन तयार रहेको र आफ्ना सहयोगी र साझेदारहरूसँग पूर्ण समन्वयमा समान रूपमा तयार भएको उल्लेख गरेको छ ।
दुई नेताहरू बीचको कुराकानी अमेरिकाले युक्रेनबाट आफ्ना केही सेनालाई बाहिर निकालेको र शनिबार आफ्ना दूतावासका अधिकांश कर्मचारीहरूलाई खाली गर्न आदेश दिएको केही घण्टापछि आएको हो किनभने अरु केही दिनमा रुसी आक्रमण हुनसक्ने डर बढेको बताईएको छ ।
एक वरिष्ठ प्रशासनिक अधिकारीले शनिबार दिउँसो पत्रकारहरूलाई दुई राष्ट्रपतिहरू बीचको कुराकानी “व्यबसायिक र सारपूर्ण ” रहेको तर “गतिमा कुनै आधारभूत परिवर्तन नभएको बताए भनि सिएनएनले समाचार लेखेको छ ।
