अमेरिकाको फ्लोरिडा राज्यको राजधानी ट्यालाहासी युवा ब्लाक लाइभ्स म्याटरकि महिला कार्यकर्ता मृत अवस्थामा फेला परेकी छिन् ।फ्लोरिडा प्रहरीका अनुसार केही दिन अगाडी मात्र उनि हराएको खबर प्रहरीलाई दिइएको थियो ।

१९ बर्षिय ओलुवाटोयिन सलाऊ गत शनिबार जुन १३ राती ७५ बर्षिय महिलासंग मृत अवस्थामा फेला परेकी थिइन् । उनको बारेमा अधिकारीहरुले उक्त महिलासंग उनको के सम्बन्ध थियो भन्ने बारेमा बिस्तृत जानकारी भने दिएका छैनन् ।

यसै शिलशिलामा संदिग्ध व्यक्तिलाई हिरासतमा लिइएको छ । दुवै जना कसरि मारिए भनि प्रहरीले व्यापक अनुसन्धान गरि रहेको र उक्त घटना मानव हत्या भएको जनाएका छन् ।

उक्त व्यक्ति ४९ बर्षिय आरोन ग्ली जुनियर भएको पहिचान भएको छ । ब्लाक लाइभ्स म्याटरकि महिला कार्यकर्ता गत जुन ६ देखि कतै देखिएकि थिइनन । उक्त दिन मै उनले आफू माथि यौन आक्रमण भएको भनि सामाजिक संजाल ट्वीटमा शृंखलाबद्ध रुपमा लेखेकी थिइन् ।

श्रोत : सिएनएन