व्यवसायिक रेडियोहरुको छाता संगठन ब्रोडकास्टिङ एसोसिएसन अफ नेपाल (बान)का अध्यक्ष चन्द्र न्यौपानेको निधन भएको छ ।
न्यौपानेलाई दुई साताअघि कोरोना संक्रमण भएको थियो ।
उहाँको ५० वर्षको उमेरमा विराट मेडिकल कलेज, विराटनगरमा शुक्रबार बिहान निधन भएको हो ।
झापाको गौरादह स्थायी घर भएका न्यौपानेका श्रीमती एक छोरा, एक छोरी छन् ।
न्यौपाने नेकपा एमाले केन्द्रीय प्रचार विभाग सदस्य, सप्तकोशी एफएमका स्टेशन म्यानेजर तथा विज्ञापन बोर्डका सदस्य हुनुहुन्थ्यो ।