|
बलिउडका चर्चित कोरियोग्राफर रेमो डिसुजालाई हृदयघात भएको छ ।
शुक्रबार हृदयघात भएपछि उनलाई मुम्बईस्थित कोकिलाबेन अस्पतालमा भर्ना गरिएको भारतीय सञ्चारमाध्यमहरुले जनाएका छन् ।
अस्पताल भर्ना भएका रेमोको एन्जियाप्लास्टी सर्जरी गरिएको र सर्जरीपछि उनको स्वास्थ्य अवस्था स्थिर रहेको जनाइएको छ ।
रेमोका निकट रहेका युवा कोरियोग्राफर धर्मेशले उनको अवस्था राम्रो रहेको पुष्टि गरेका छन् ।
रेमो डिसुजाले बलिउडका कयौँ फिल्मका गीतहरुमा कोरियोग्राफ गरेका छन् साथै थुप्रै रियालिटी शोमा निर्णायकसमेत बनेका छन् ।
उनका शुभचिन्तक तथा प्रशंसकहरुले शीघ्र स्वास्थ्य लाभको कामना गरेका छन् ।
२०७७ मंसिर २६, शुक्रबार प्रकाशित
