बर्दिया( बढैयाताल) / बर्दिया जिल्लाको बढैयाताल गाउँपालिका वडा नं.३ मा खानेपानी टंकी साहितको ४ वटा धारा जडान गरिएको छ । नेपाल डेभलपमेन्ट सोसाइटी बाँकेको आर्थिक सहायोगमा भवानी माबि सिमरा,सरस्वाती ने रा प्रा बि सोरहवा, नेपाल राष्ट्रिय आधारभुत बिद्यालय गोब्रेपुर र मानझुन्डी सामुदायिक बनको कार्यालय भोलागौढीमा धारा जडान गरिएको नेपाल डेभलपमेन्ट सोसाइटी बाँकेका अध्यक्ष ओबैदर हमन खानले बताउनुभयो ।

बिधालयका बालबालिका र गरिब बिपन्नलाई स्वच्छ खानेपानीका लागि धारा जडान गरिएको हो । यस्तै पुष्पनगरमा ३ र जोडी पिपलमा एक वटा हण्डपम्प हात्ते धारा पनि बितरण गरिएको छ । खानेपानी टंकी साहितको धारा र हण्डपाम्प धारा गरि ५ लाख रकम बराबरको सामाग्री जडान गरिएको छ ।

खानेपानी टंकी साहितको धारा र ह्याण्ड पम्प धारा समाजसेबी कुल बहादुर बिकको सहकार्यमा जडान गरिएको हो । धारा हस्तान्तरणमा वडा नं. ३ का वडा अध्यक्ष दुर्गा प्रसाद पराजुली, भवानी माबीका अध्यक्ष तथा समाजसेवी दिल बहादुर केसी, कार्यपालिका सदस्य चन्द्रकला बिक, समाजसेवी नेत्रप्रसाद सापकोटा,समाजसेबी कुल बहादुर बिक,बिधालयका शिक्षक र स्थानीयहरु सहाभगिता रहेको थियोे ।