|
काठमाडौैं / पछिल्लो समय दर्शक स्रोताले अत्याधिक प्रतीक्षा गरेको गीत “बहिनी” अन्ततः रिलिज भएको छ। आइतबार रिलिज भएको उक्त गीतमा लोकप्रिय गायक हेमन्त कान्छा रसाइलीको स्वर अनि संगीत रहेको छ।भने, शब्द सर्जक सतिश अधिकारीको छ।
दाजु बहिनीबीचको वियोगान्त सम्बन्धलाई गीतमा उतारिएको छ। गीतका शब्दहरू मर्मस्पर्शी छन् ।दाजुबहीनीको लागि विशेष चाड तिहार नजिकिँदै गर्दा त, छुट्टिएका दाजु बहिनीको मन झन भक्कानीने गर्छ यो गीत सुन्दा। हेमन्तको गायिकी र संगीत पक्ष एकदम उत्कृष्ट छ गीतमा।
गीत जति मर्मस्पर्शी छ, भिडियो झन कारुणिक बनेको छ। गीतको भावलाई नमारिकन भिडियो निर्माण गरिएको छ। भिडियोमा पछिल्लो समयका लोकप्रिय कलाकार चिरञ्जीवी सापकोटा (जीवी चिरन) , समीक्षा पोखरेल, सुजन बम, अर्जुन बिक , निना बुढाथोकी लगायतका कलाकारहरु फिचर्ड छन् ।
बहिनीको भुमिकामा सुजल र दाइको भुमिकामा चिरञ्जीवी छन् । चिरञ्जीवीको अभिनय जीवन्त लाग्ने गर्छ। चिरञ्जीवीको अभिनयले भिडियो हेर्ने जोकोहीको मन भावुक गराउने गर्छ। यस भन्दा अघिल्ला म्युजिक भिडियो भन्दा यस भिडियोमा चिरञ्जीवीले एकदम धेरै मिहेनत गरेको आभाष हुने गर्छ।
बालापन सकिँन नपाउँदै संगै खेलिरहेका दाजु बहिनी टाढिँदा हुने पिडालाई भिडियोमा कारुणिक तरिकाले देखाइएको छ। भिडियोका निर्देशक बिक्रम चौहान हुन् । भिडियोलाई प्रकाश खड्काले आकर्षक फ्रेममा खिचेका छन् । हाल अमेरिकामा रहेका सर्जक सतिश अधिकारीको परिकल्पना रहेको भिडियोलाई दिन्सन शाहले सम्पादन गरेका छन् ।
भिडियो एसथ्रीके इन्टरटेन्मेन्टको अफिसियल युटुब च्यानलबाट रिलिज गरिएको हो। हेर्नुस् भिडियो..
