एजेन्सी । ‘बाहुबली’ हिन्दी फिल्मका अभिनेत्री तमन्ना भाटियालाई कोरोना भाइरसको संक्रमण पुष्टि भएको छ । कोरानाको परीक्षण रिपोर्ट पोजेटिभ आएपछि उनलाई हैदराबादस्थित एक निजी अस्पताल भर्ना गरिएको छ । लक्षणका कारण स्वास्थ्यमा समस्या आएपछि उनको कोरोना परीक्षण गरिएको थियो।

हैदराबादमा एक वेब सिरिजको सुटिङका क्रममा उनलाई कोरोनाको लक्षण देखिएको थियो । तमन्नाका बाबुआमालाई पनि केही समय पहिले कोरोनाको संक्रमण भएको थियो जसको जानकारी उनले ट्विटमार्फत गराएकी थिइन् ।

तमन्नाको नवाजसँगको ‘बोले चुडिया’ रिलिजको पर्खाइमा छ भने तेलेगु एक्शन ड्रामा ‘सीटराइमर’को सुटिङ बाँकी रहेको छ ।
सो सिनेमाको सुटिङ छिट्टै सुरू हुने बताइएको भएपनि उनी विरामी परेपछि त्यसमा केही ढिला हुने देखिएको छ ।