काठमाडौँ । आज दुई हजार २ सय ५३ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले आज आयोजना गरेको नियमित प्रेस ब्रिफिङमा उक्त तथ्याङ्क सार्वजनिक गरेको हो । आज थपिएकासहित कोरोना संक्रमितको संख्या ८६ हजार नाघेको छ । ती मध्ये ६४ हजार बढी कोरोना मुक्त भएका छन् । आजैमात्र १३२९ जना कोरोनामुक्त भएका छन् । देशभर २२ हजार २ सय १९ जना सक्रिय संक्रमित रहेको मन्त्रालयले जनाएको छ ।

मन्त्रालयका प्रवक्ता गौतमका अनुसार आज थपिएका संक्रमित मध्ये १५९९ जना काठमाडौँ उपत्यकाका छन् । ती मध्ये काठमाडौँका १३७३, ललितपुरका १८७ र भक्तपुरका ३९ जना हुन् ।

कोरोनाका कारण आजैमात्र ७ जनाको मृत्यु भएको छ । आज ज्यान गुमाएकासहित कूल मृतकको संख्या ५३५ पुगेको मन्त्रालयका प्रवक्ता डा. जागेश्वर गौतमले बताए ।