|
नेपालगन्ज / नेपालगन्जकै पहिलो ह्याण्डिक्राफ्टस् सम्बन्धी पसल ” सन् क्राफ्ट ” आजदेखि सञ्चालनमा आएको छ । ज्योती विकास बैंक नजिक सुर्खेतरोडमा सञ्चालनमा आएको पसल आज एक कार्यक्रमबीच नेपालगन्ज उपमहानगरपालिकाका मेयर डा. धवल शमशेर राणाले उद्घाटन गरेका छन् ।
काठमाडौं , ललितपुर र भक्तपुरमा निर्मित मेटल , वुड र स्टोनको हस्तनिर्मित शिल्प तथा कलाकृतिहरू एउटै पसलमा पाउने गरी नयाँ व्यवसाय सुरु गरेकोमा सञ्चालक बिमल प्रधानलाई बधाई र शुभकामना दिँदै मेयर राणाले नगरमा क्राफ्ट सम्बन्धी पसलको कमी अब पुरा भएको बताएका छन् ।
कलाप्रतिको मोह र सुरुदेखि नै यसप्रति लगाव भएको हुँदा नै आफूले कला र शिल्प सम्बन्धी व्यवसाय सुरु गरेको सञ्चालक प्रधानले जानकारी दिए । उनी आफू पनि एक राम्रो चित्रकार हुन् । उनले आफूले बनाएका चित्रहरू पनि पसलमा राखेका छन् ।
२०७७ आश्विन १८, आईतवार प्रकाशित
