चितवनमा कोरोनाको संक्रमणबाट शनिबार एक पुरुषको मृत्यु

संवाददाता | २०७७ आश्विन १७, शनिबार

भरतपुर । चितवनमा कोरोनाको संक्रमणबाट शनिबार एक पुरुषको मृत्यु भएको छ । पुरानो मेडिकल कलेजमा उपचारका क्रममा भरतपुर महानगरपालिका–१५ का ३५ वर्षीय पुरुषको मृत्यु भएको हो ।

असोज १५ गते कलेजोको समस्या भई अस्पताल भर्ना भएका उनमा शुक्रबार कोरोना संक्रमण पुष्टि भएको थियो । अस्पतालको कोभिड सघन उपचारकक्षमा उपचारका क्रममा शनिबार बिहान १०ः४४ बजे पुरुषको मृत्यु भएको अस्पतालका जनसम्पर्क विभाग प्रमुख दुर्गा न्यौपानेले जानकारी दिए ।

यससँगै चितवनका २३ जनाको कारोना संक्रमणका कारण मृत्यु भएको छ ।

२०७७ आश्विन १७, शनिबार प्रकाशित