बबई बहुमुखी क्याम्पसका प्रमुख बिनोद अग्रवालको कोरोनाका कारण मृत्यु

|

नेपालगञ्ज / बाँकेमा थप एक जना कोरोना संक्रमित पुरुषको मृत्यु भएको छ । बर्दियाको बबई बहुमुखी क्याम्पसका प्रमुख ५० वर्षीय बिनोद अग्रवालको आज मृत्यु भएको हो ।

असोज ७ गते कोरोना पुष्टि भएका क्याम्पस प्रमुख होम आइसोलेसनमा बसेका थिए । स्वास्थ्यमा गम्भीर समस्या भएपछि उनलाई नेपालगञ्जकाे भेरी अस्पतालमा रहेको आइसोलेसन वार्डमा नपुग्दै आज दिउँसो २:२५ बजे मृत्यु भएको फोकलपर्सन श्रेष्ठले जानकारी दिएका छन् ।
योसँगै बाहिरी जिल्लाबाट उपचार गराउन आउदा बाँकेमा मृत्यु हुनेको संख्या ६ पुगेको छ । यसअघि बर्दियाका दुई जना, कैलाली, अछाम र अर्घाखाँचीका एक एकजना संक्रमितको बाँकेमा उपचारको क्रममा मृत्यु भएको थियो । बाँकेका १२ जनाको मृत्यु भएको छ ।
No photo description available.

भेरी अस्पताल विकास समितिका अध्यक्ष प्रमोद धितालले पनि कोभिड आइसोलेसन जाने क्रममा अस्पताल गेट छिर्नै लाग्दा बबई बहुमुखी क्याम्पस बर्दियाका चिफ कोरोनाका कारण दुःखद निधन भएको आफनो सामाजिक सन्जाल मार्फत बताएका छन् ।

२०७७ आश्विन १०, शनिबार प्रकाशित

निरन्तर समाचारको लागि तपाई हामीसँग फेसबुक / ट्विटरमायुट्युवमा पनि जोडिन सक्नुहुनेछ ।