|
एजेन्सी । बलिउड अभिनेता सुशान्त सिंहको मृत्युसंगै खुलासा भएको ड्रग्स प्रकरणमा भारतीय अभिनेत्री रिया चक्रवर्ती पक्राउ परेकी छिन । भारतको नारकोटिक्स कन्ट्रोल ब्युरो (एनसीबी) ले रियालाई मंगलबार पक्राउ गरेको हो ।
मंगलबारसमेत गरी प्रहरीले रियासंग तीन दिन सोधपुछ गरेको थियो । रियासंग प्रहरीले पहिलो दिन ६ घण्टा, दोस्रो दिन ८ घण्टा र तेस्रो दिन (मंगलबार) ३ घण्टा सोधपुछ गरेको थियो । तीन दिनको सोधपुछपछि रियालाई पक्राउ गरिएको भारतीय सञ्चारमाध्यमले जनाएका छन्।
लागुऔषध लेनदेनको विषयलाई लिएर रिया पक्राउ परेकी हुन । उनलाई मेडिकल टेस्टका लागि लगिएको छ। त्यसपछि भिडियो कन्फरेन्सिङमार्फत रियालाई अदालतमा हाजिर गरिने प्रहरीले बताएको छ।
रियाको गिरफ्तारीलाई सुशान्त सिंह राजपुतको आत्महत्या प्रकारणसंग जोडिएको अहिलेसम्मकै महत्वपूर्ण मानिएको छ । यद्यपी रियाको गिरफ्तारी लागु पदार्थ लेनदेनसंग जोडिएको प्रहरीले बताएको छ ।
