|
काठमाडौं । नेपालमा कोरोना संक्रमितको संख्या ह्वात्तै फेरी बढेको छ । पछिल्लो २४ घन्टामा देशका विभिन्न ठाउँमा गरी थप ७ सय ४३ जनामा कोरोना संक्रमण भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा.जागेश्वर गौतमले पछिल्लो २४ घन्टामा विभिन्न जिल्लामा थपिएका ७ सय ४३ जनासहित देशभर संक्रमितको संख्या ३२ हजार ६ सय ७८ पुगेको जानकारी दिए । २४ घण्टा भित्र ८ जनाको मृत्यु भएको मन्त्रालयका प्रवक्ता डा.जागेश्वर गौतमले जानकारी दिए ।
२४ घन्टामा कोरोना संक्रमणमुक्त भएर घर फर्किनेको संख्या १७५ जना रहेको छ । योसँगै हालसम्म निको हुनेको संख्या १८ हजार ८०६ पुगेको छ ।
२०७७ भाद्र ८, सोमबार प्रकाशित
