|
नेपालगन्ज / नेपालगन्ज उपमहानगरपालिका वडा नम्बर १ का अध्यक्ष प्रमोद रिजाललाई कोरोना संक्रमण भएपछि उपचारका लागी खजुरास्थित कोरोना बिशेष आइसोलेसन अस्पतालमा राखियको छ ।
वडा अध्यक्ष रिजालले वडा कार्यालयको काममा निरन्तर खटिरहेको अवस्थामा कोरोनाको संक्रमण देखिएको र हाल खजुरास्थित कोरोना बिशेष आइसोलेसन अस्पतालमा स्वास्थ्य लाभ गरिरहेको सामाजिक सन्जालमा पोष्ट गरेका छन् ।
हाल मेरो स्वास्थ्य अवस्था सामान्य छ । यस परिस्थितिमा शुभेच्छा र सद्भावका लागि धन्यवाद भन्दै अस्पताल देखी आफनो फोटो सहितको सन्देश पठाएका छन ।
अस्पतालबाट दिएको सन्देश-
वडा कार्यालयको काममा निरन्तर खटिरहेको अवस्थामा आज मिति २०७७ साउन १९ गते मलाई कोरोनाको संक्रमण देखियो । हाल खजुरास्थित कोरोना बिशेष आइसोलेसन अस्पतालमा स्वास्थ्य लाभ गरिरहेको छु । हाल मेरो स्वास्थ्य अवस्था सामान्य छ । यस परिस्थितिमा शुभेच्छा र सद्भावका लागि धन्यवाद ।
प्रमोद रिजाल
वडा अध्यक्ष वडा नम्बर १
प्रबक्ता
नेपालगन्ज उपमहानगरपालिका
नेपालगन्जमा केहीदिन यता कोरोना संक्रमणको दर बढेको छ । सोमवार मात्र वडा अध्यक्ष रिजाल सहित नेपालगन्ज उपमहानगरपालिकाका एकजना अधिकृतलाई संक्रमण भएको छ । एकाएक संक्रमण दर बढेपछि जिल्ला प्रशासण कार्यालय बाँकेले आईतवारदेखि मंगलवारसम्म निषेधाज्ञा लागु गरेको छ ।
२०७७ श्रावण १९, सोमबार प्रकाशित
