|
काठमाडौं / नेपालमा कोरोना संक्रमितको संख्या १७ हजार ५ सय २ पुगेको छ । पछिल्लो २४ घन्टामा थप ५७ जनामा कोरोना संक्रमण देखिएसँगै संक्रमितको संख्या १७ हजार ५ सय २ पुगेको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले बताए । मुलुकभर ५ हजार ८ सय २५ संक्रमितहरुको उपचाररत रहेको गौतमले बताए ।
नेपालमा शनिबार थप १०३ जना कोरोना संक्रमणमुक्त भएका छन्। उनीहरू देशका विभिन्न स्थानका अस्पतालबाट संक्रमणमुक्त भएको जानकारी स्वास्थ्य तथा जनसंख्या मन्त्रालयले दिएको हो। योसहित नेपालमा हालसम्म ११ हजार ६३७ उपचारपछि निको भएका छन्।
विगत २४ घण्टायता ३ हजार ३३१ जनाको कोरोनाको पिसिआर परीक्षण भएको छ। हाल २३ हजार २ सय ७५ जना क्वारेन्टाइनमा छन् भने ५ हजार २५ जना आइसोलेसनमा छन्। शुक्रबारसम्म नेपालमा ४० जना कोरोना संक्रमितको मृत्यु भएको जानकारी मन्त्रालयले
दिएको छ।
