|
काठमाडौं । महानायक राजेश हमालले निर्देशक तथा कलाकार दीपाश्री निरौलालाई बुधबार मध्यरातमा आफ्नो फेसबुक पेजमा एक भिडियो सन्देश पोस्ट गर्दै हमालले दीपालाई माफी दिन दर्शकहरुसँग अनुरोध गर्नु भएको छ । केही दिन अगाडि एउटा सञ्चारमाध्यमसँगको अन्तर्वार्तामा दीपाले राजेश हमाल महानायक हुन् र ? भनेर दिएको अभिव्यक्तिलाई लिएर चर्को आलोचना भइरहेको छ । यही बीच महानायक हमालले महानता प्रकट गर्दै दीपाको लागि माफी माग्नु भएको छ ।
हमालले सधैं इगो राख्न नहुने, धैर्यता र इमान्दारितालाई आत्मसाथ गर्दै कलाकारहरुलाई सजग गराउनुहुने दर्शकहरुलाई धन्यवाद पनि दिनु भएको छ । ८ मिनेट ४३ सेकेन्ड लामो भिडियो सम्बोधनमा दीपाको नाम नलिई उहाँले आफू माथि विवादास्पद अभिव्यक्ति दिने जो भए पनि माफी दिन दर्शकहरुमा अनुरोध गर्नु भएको छ । नायक राजेश हमालले अबका दिनहरुमा यसरी अघि बढ्न नसकिने भन्दै यस्तो अभिव्यक्ति दिनेलाई माफ गर्न र सधैं कलाकारलाई सजग गराउन पनि दर्शकहरुमा अनुरोध गर्नुभएको छ ।
‘दर्शकहरूलाई म हृदयदेखि नै अनुरोध गर्न चाहन्छु, अब अलि फराकिलो भएर मनन् गरेर सकारात्मक तरिकाबाट कसैको मानवतामा आँच नपुग्ने गरि अभिव्यक्ति प्रकट गरौं ।’ उहाँले भन्नु भएको छ ।
हेर्नुहोस् यो भिडियोमा :
