|
पोखरा । निम्याट नेपालको तेस्रो साधारणसभा सम्पन्न गर्दै संस्थाले नयाँ कार्यसमिति चयन गरेको छ। साधारणसभामा देखिएको उत्साह, सक्रियता र प्रतिबद्धताले संस्थाको आगामी यात्राप्रति सकारात्मक संकेत गरेको संस्थाले जनाएको छ।
कार्यक्रममा सहभागीहरूले युवाहरूको स्वास्थ्यसम्बन्धी वकालत तथा सशक्तीकरणको क्षेत्रमा संस्थाले खेलेको भूमिकाको प्रशंसा गर्दै आगामी दिनमा अझ प्रभावकारी ढंगले काम गर्नुपर्नेमा जोड दिएका थिए। नयाँ नेतृत्व टोलीले पनि संस्थाको उद्देश्यअनुसार युवा स्वास्थ्य वकालत तथा सशक्तिकरणलाई थप सुदृढ बनाउँदै अघि बढ्ने प्रतिबद्धता व्यक्त गरेको छ।
नयाँ कार्यसमितिको अध्यक्ष पदमा अरुण कुमार साह, उपाध्यक्ष विवेक ख्याजु, कोषाध्यक्ष रञ्जिता धिताल, महासचिव बिगिन ज्ञवाली, सचिव रिकु जैसवाल चयन भएका छन् । त्यसैगरी सदस्यहरूमा क्रमश आरव तिवारी, सबीना श्रेष्ठ, कञ्चन श्रेष्ठ, सुरज कुमार अग्रहरी, साबित्रि कँडेल, प्यान्सी थापा, दीपिका श्रेष्ठ, बन्दना भुसाल चयन भएका छन् ।
साधारणसभामा संस्थाको भावी योजना, कार्यक्रम तथा रणनीतिबारे पनि विस्तृत छलफल भएको थियो। नव-निर्वाचित कार्यसमितिले युवामैत्री स्वास्थ्य कार्यक्रमलाई प्राथमिकतामा राख्दै समुदायस्तरमा प्रभावकारी पहलहरू अघि बढाउने प्रतिबद्धता जनाएको संस्थाका संस्थापक अध्यक्ष मधुसुदन काफ्लेले जानकारी दिनुभयो।
