|
दाङ / दाङको तुलसीपुरमा एक युवतीले गए राति सामाजिक सञ्जाल फेसबुकमा भिडियो लाइभ गर्दै आत्महत्या गरेकी छन् र अहिले त्यो भिडियो सामाजिक संजालमा भाईरल भैरहेको छ।
तुलसीपुर उपमहानगरपालिका–५ रानीजरुवाकी अन्दाजी २३ वर्षकी एलिसा गौतमले फेसबुकमा लाइभ गरेर आत्महत्या गरेको जिल्ला प्रहरी कार्यालय दाङ्गका प्रमुख एसपी गणेश चन्दले जानकारी दिनुभयो ।
गौतम आफ्नो माइतीमा बस्दै आएकी थिइन् । गौतमकी छोरी पहिलाको श्रीमानसँग भएको बताए पनि पुष्टि हुन बाँकी रहेको प्रहरीको भनाइ छ । आमाबाबु भारतमा काममा गएकोले उनी कोठामा एक्लै बस्ने गरेको बताइएको छ ।
गौतमको केही समयअघि डिभोर्स भएको खुल्न आएको तुल्सीपुर प्रहरीले प्रारम्भिक जानकारी प्राप्त भएको बताएका छन् ।
मृतक युवतीको शव पोष्टमार्टमका लागि राप्ती प्रादेशीक अस्पताल तुलसीपुरमा राखिएको छ, थप अनुसन्धान बाँकी रहेको एसपी चन्दले बताउनुभयो ।
२०७७ असार १८, बिहीबार प्रकाशित
