|
नेपालगन्ज । मुस्लिम समुदायले सोमबार(आज) आफ्नो महान पर्व ईद धुमधामका साथ मनाएका छन् । ईदको अवसरमा सोमबार बिहान उनीहरुले सामुहिक रुपमा नमाज पढेका छन् । नेपालगन्जको वीपी चोकस्थित ईदगाहमा विशेष चहलपहल रहेको थियो ।
नमाज पढिसकेपछि उनीहरुले एकअर्कालाई अंकमाल गर्दै शुभकामना साटासाट गरेका छन् । सो क्रममा बाँकेका जनप्रतिनिधि, राजनीतिक दलका प्रतिनिधि, प्रहरी, प्रशासक, सञ्चारकर्मी लगायत उपस्थित भएका थिए । ईदको अवसरमा दिनभर आफन्त, ईष्टमित्र तथा शुभेच्छुकहरु भेला भएर मिठा खानेकुरा खाएका छन् ।
२०८१ चैत्र १७, सोमबार प्रकाशित
