काठमाडौं । नेपाल आदिवासी जनजाति पत्रकार महासंघ (फोनिज) को ८ औँ महाधिवेशन लुम्बिनीमा हुने भएको छ। यही चैत २९ र ३० गते लुम्बिनीमा महाधिवेशन हुने तय भएको फोनिजका महासचिव समीर बलामीले जानकारी दिएका छ्न ।
फोनिजका महासचिव बलामीका अनुसार यही चैत ८ गते बुटवलमा बसेको फोनिजको बैठकले व्यवस्थापन उप समिति गठन गरी महाधिवेशनको तयारी अगाडि बढाइएको छ भने यसअघि गठित विभिन्न उपसमितिले पनि तयारी तीब्र पारेका छन् ।
यसअघि फोनिजको महाधिवेसन चैत्र १५, १६ र १७ गते गर्ने निर्णय भएकोमा माध्यमिक शिक्षा परीक्षा(एसएइई)लगायत कारण सारिएको महासचिव बलामीले बताए।आदिवासी जनजाति पत्रकारहरूको साझा संगठन फोनिजको जिल्ला र प्रदेश महाधिवेसनहरू करिब सकिएको छ।
फोनिजका जिल्ला, प्रदेश र प्रवास समितिहरू रहेका छन्। यो संगठनले आदिवासी जनजाति पत्रकारहरूलाई संगठित गर्दै उनीहरूकै हकहितका साथै क्षमता अभिवृद्धिका लागि महत्वपूर्ण कार्यक्रम गर्दै आएको छ ।