काठमाडौं । भारतको चर्चित रियालिटी शो इन्डियन आइडलबाट लोकप्रिय बन्दै गएकी गायिका मेनुका पौडेलले उत्कृष्ठ १० मा स्थान सुरक्षित गर्न सफल भएकी छिन् । भारतको एक निकै प्रतिस्पर्धात्मक मानिएको इण्डियन आइडलको १४ औं सिजनको अन्तिम १० मा नेपाली गायिका मेनुका पौडेल प्रवेश गरेर नेपालीको शिर उच्च पार्न सफल भएकी छिन् । आइतबार बेलुकाको एपिसोडबाट मेनुका टपटेनमा प्रवेश गरेकी हुन् ।

मेनुका पौडेल नेपाल आइडलबाट अन्तिम ११ बाट बाहिरिएकी थिइन् । यतिबेला भने मेनुकाले ११ नम्बरको खड्गो पार गर्न सफल भएकी छिन् । बटम–थ्रीमा परेका पियुष, अञ्जना र मुस्कानमध्येबाट मुस्कान बाहिरिइन् ।

योसँगै इण्डियन आइडलमा अन्तिम १० को समीकरण तयार भयो । मेनुका उत्कृष्ट १० मा परेको घोषणा आइतबारको उक्त एपिसोडबाट घोषणा भएको हो ।