बर्दिया । बढैयाताल गाउँपालिकाको शान्तिपुरमा दोश्रो वडा स्तरीय फुटबल प्रतियोगितामा आज भएको खेलमा वडा न १ ले वडा न.३ लाई ० गोलको विरुद्ध ३ गोल प्रहार गरि वडा नं.१ बि टिम बिजयी भएको छ । वडा नं.१ बिको टिमको तर्फबाट खेलाडीहरु योगेश वली, आषिश सिहं ठकुरी र विकास खत्रीले एक/एक गोल गरेका थिए ।

खेल एकदम प्रतिष्पर्धात्मक तथा रोमाञ्चक रहेको थियो । श्री जगदम्बिका माविको खेल मैदानमा भएको सो खेल हेर्न दर्शकहरुको घुईचो रहेको थियो ।

न्यु शान्ति स्पोर्ट्स क्लबको आयोजना तथा बढैयाताल गाउँ पालिका वडा न. १ को समन्वयमा सो फुटबल प्रतियोगिता सन्चानल भईरहेको छ । पुस १६ गतेसम्म चल्ने प्रतियोगितामा १० टोलीको सहभागिता रहेको क्लबका अध्यक्ष प्रेम पुनले जानकारी दिनुभयो । खेलमा प्रथम हुनेलाई ५० हजार र दोस्रो हुनेलाई २५ हजार नगदसहित सम्मान गरिने आयोजकले जनाएको छ ।