बर्दिया । बढैयाताल गाउँपालिकाको वडा न. १, शान्तिपुरमा दोश्रो वडा स्तरीय फुटबल खेल प्रतियोगिता हुने भएको छ ।

न्यु शान्ति स्पोर्ट्स क्लबकोआयोजना तथा बढैयाताल गाउँ पालिका वडा न. १ को समन्वयमा सो फुटबल प्रतियोगिता पुस ९ गते देखि शुरु हुने भएको छ । बढैयाताल गाउँ पालिका वडा न. १ का वडा अध्यक्ष प्रेम बहादुर थापाले प्रतियोगितालाई अझ व्यवस्थित र भव्य बनाउन सम्पूर्ण तयारी पूरा भएको जानकारी गराउदै सम्बन्धित निकायलाई पूर्वाधारमा सहयोग गरिदिन आग्रह समेत गर्नु भएको छ।

उद्घाटनको अवसरमा बिद्यार्थीहरुबाट विविध साँस्कृतिक कार्यक्रम तथा परेड प्रस्तुती साथै मैत्रीपूर्ण खेल आयोजना हुने भएको छ।

पुस १६ गतेसम्म चल्ने प्रतियोगितामा १० टोलीको सहभागिता रहेको क्लबका अध्यक्ष प्रेम पुनले जानकारी दिनुभयो ।