अमेरिकाभित्र खेलिने चिठ्ठा मेगा मिलियनको पुरस्कार राशी एक अर्ब २५ करोड डलर पुगेको छ । शुक्रबार राति सार्वजनिक हुने मेगा मिलियनको कुल राशी नेपाली रुपैयाँमा हिसाब गर्दा यो झण्डै एक खर्ब ३० अर्ब रुपैयाँ हुन आउँछ । 
 
कयौँ पटक खोल्दा कसैलाई पनि नपरेपछि मेगा मिलियनको पुरस्कार राशी बढ्दै गएको हो । यो चिठ्ठा पर्ने सम्भावना भने ३० करोडमा १ मात्र छ । यो हिसाबमा यो चिठ्ठा पर्ने सम्भावना निकै कम छ ।
 
एउटाको दुई रुपैयाँमा पाइने यो चिठ्ठामा १ देखि ७० सम्मका ५ र एउटा मेगा बल नम्बर हुन्छ । किनेको चिठ्ठामा सबै नम्बर मिल्यो भने एक पटक धनी हुने अवसर मिल्ने छ । 
 
पुरस्कारको राशी बढ्दै गएकाले किन्नेहरु पनि बढ्न थालेका छन् । यदि शुक्रबार खोल्दा कसैलाई यो चिठ्ठा परेन भने शुक्रबार राशी अझ बढ्ने छ । तर, एक जनाभन्दा बढीलाई समेत चिठ्ठा पर्न सक्छ ।