काठमाडौं /  विगत लामो समयदेखि नेपाली गीत संगीतका म्युजिक भिडियोहरु सम्पादन गर्दै आएका सम्पादक प्रबिन भट्टले आफ्नै आवाजमा नयाँ गीत सार्वजनिक गरेका छन् । बुधबार सार्वजनिक “नाच्ने हो छेउ छेउमा” बोलको गीतमा प्रबिन भट्टको शब्द, संगीत कलेक्सन तथा आवाज रहेको छ। लोकपप फ्युजनमा तयार भएको गीतमा सन्जीव बराइलीको गितार, पोसन घर्तीको मादल रहेको छ भने कृष्ण बिकको एरेन्ज रहेको छ।

डान्सिङ प्याटर्नमा आधारित गीतको भिडियो पनि आकर्षक बनेको छ। भिडियोमा प्रबिन भट्ट , सुशीला थापा , निक शर्मा र दिपसन परियार फिचर्ड छन् । भिडियोलाई अनिक के मानन्धरले निर्देशन तथा छायांकन गरेका हुन् भने दिन्सन शाहले सम्पादन गरेका हुन् । गीतको भिडियो “नयाँ नयाँ न्युज नेपाल” नामक युट्युब च्यानलबाट सार्वजनिक गरिएको हो। यो गीत व्यवसायिक हिसावले भन्दापनि विशुद्ध मनोरञ्जनका लागि बजारमा ल्याएको प्रबिन बताए।

हेर्नुस् भिडियो…