काठमाण्डौं / पछिल्लो २४ घण्टामा देशका विभिन्‍न प्रयोगशालामा गरिएको पिसिआर परीक्षणमा ५८६ जना संक्रमित थपिएका छन्। यससँगै कुल संक्रमितको संख्या ७ हजार १ सय ७७ पुगेको छ। स्वास्थ्य तथा जनसंख्या मन्त्रालयले कोरोना अपडेटबारे नियमित प्रेस ब्रिफिङमा यस्तो जानकारी दिएको हो।
कुल संक्रमितमध्ये पुरुष ६ हजार ६३८ र महिला ५३९ जना रहेका मन्त्रालयका प्रवक्ता डाक्टर जागेश्वर गौतमले जानकारी दिए। त्यस्तै नेपालगन्ज मेडिकल कलेज कोहलपुरमा मृत्यु भएको बाँके बैजनाथ ६ कि ४६ बर्षिया महिलामा कोरोना पुष्टी भएको छ । यो सङ्गै देशभर कोरोना बाट मृत्यु हुनेको संख्या २० पुगेको छ । हालसम्म १ हजार १ सय ६७ जना संक्रमित डिस्चार्ज भइसकेका छन् ।