काठमाडौं । त्रिभुवन विश्वविद्यालयले सम्पूर्ण आंगिक र सम्बन्धन प्राप्त क्याम्पसहरुलाई असोज १ गतेबाट भौतिक उपस्थितिमा कक्षा सञ्चालन गर्न निर्देशन गरेको छ ।

बिहिवार त्रिवि रजिस्टारको कार्यालय सूचना तथा जनसम्पर्क महाशाखाले एक सूचना प्रकाशित गर्दै यस्तो निर्देशन गरेको हो ।

महाशाखाले स्थानीय निकायले तोकेको समयसीमा र मापदण्ड भित्र रहने गरी र समन्वय गरी जोखिम नियन्त्रणका लागि पूर्वतयारी एवं सतर्कता अबल्म्बन गर्दै भौतिक उपस्थितिमा कक्षा सञ्चालन गर्न सूचित गरेको हो ।