|
अमेरिकाको टेक्सासमा एक नेपालीको गोली हानी हत्या गरिएको छ । टेक्सासको अष्टिनमा वसोवास गर्ने पोखरा साराङ्कोट निवासी रमेश थापालाई उनी वस्ने आवास क्षेत्रमा नै मंगलवार मध्यरातमा गोली प्रहार गरिएको स्थानीय प्रहरीले जानकारी दिएको छ ।
थापाको हत्यामा संलग्न कसैलाई पनि अहिलेसम्म गिरफ्तार गरिएको छैन तर प्रहरीले हत्याराको नजिक पुगिएको जनाएको छ ।
ग्यास स्टेशनमा काम गर्ने मृतक थापालाई कामवाट फर्किदै गर्दा आवासीय क्षेत्रमा गोली हानिएको स्थानीय सञ्चार माध्यमहरुले उल्लेख गरेका छन् ।
स्वर्गीय थापा ११ वर्षदेखि अमेरिकामा वसोवास गर्दै आएका थिए । उनको मृत्यु घटनास्थलमै भएको जनाईएको छ ।
अमेरिकामा नै रहेका स्वर्गीय थापाका भाइ लक्ष्मण थापाले शवलाई अहिले जांचका लागि अस्पतालमा राखिएको जानकारी दिएको हिमालयखवरले उल्लेख गरेको छ ।
तस्बिर: सामाजिक संजाल
२०७७ चैत्र २५, बुधबार प्रकाशित
