काठमाडौं । नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने प्रयास गर्ने एक व्यक्ति पक्राउ परेका छन् । दरबार संग्रहालयमा अवलकोनमा गएका रुकुम पश्चिम मुसिकोट नगरपालिका–११ का २५ वर्षीय खेमबहादुर घर्तीले श्रीपेच रहेकै कोठाबाट खुकुरी निकालेर सिसा फुटाउन प्रयास गरेका थिए ।

चोरीको प्रयास गर्ने घर्तीलाई तत्कालै नेपाली सेनाले नियन्त्रणमा लिएर प्रहरीको जिम्मा लगाएको संग्रहालय व्यवस्थापन समितिका कार्यकारी निर्देशक भेषनारायण दाहालले जानकारी दिनुभयो । ‘सिसा फुटाउन घर्तीले खुकुरीको प्रयोग गरेको देखियो,’ दाहालले भन्नुभयो, ‘कोठाभित्र राखिएको खुकुरी निकालेर श्रीपेज निकाल्न खोजेको देखियो ।’