काठमाडौं / काठमाण्डौ नागार्जुन नगरपालिका ४ बाफल बुढाथोकी कोल्ड स्टोर नजिकै सडक खण्डमा मिति साउन ८ गते बेलुका जिल्ला ओखलढुङ्गा चम्पादेवी गाउँपालिका घर भई सोही स्थान बस्ने १ जना महिलालाई एसिड प्रहार गर्ने २ जनालाई प्रहरीले पक्राउ गरेको छ । पक्राउ पर्नेमा जिल्ला रौतहट राजदेवि गाउँपालिका ९ घर भई काठमाण्डौ महानगरपालिका १५ डल्लु बस्ने बर्ष ४७ को मो.आलम र भारत बिहार प्रदेश शिवर जिल्ला गरहियागाँउ घर भई हाल काठमाण्डौ महानगरपालिका १५ डल्लु बस्ने बर्ष २३ को फैयाज आलम छन् ।

महिलालाई एसिड प्रहार गरी फरार रहेकोमा प्रहरीले खोजतलास गर्दा काठमाण्डौ महानगरपालिका १५ डल्लु स्थित मो.आलम बस्ने कोठाबाट मो.आलम र फैयाज आलमलाई पक्राउ गरीएको थियो । महिलाको अनुहारको दाहिने गाला र घाँटीको भागमा (एसिड) तेजाव जस्तो तरल पदार्थ छर्किई घाईते भएको हुंदा घाईतेलाई तत्कालै उपचारको लागि मनमोहन मेमोरीयल अस्पताल हुदै थप उपचारको लागि किर्तिपुर मोडेल अस्पताल लगि उपचार भईरहेको छ । घटना सम्बन्धमा आवश्यक अनुसन्धान भईरहेको महानगरीय प्रहरी परिसर काठमाण्डौले जनाएको छ ।