केराबारी गाउँपालिकाका अध्यक्ष रोहित कार्कीमाथि कार्यालयमै खुकुरी प्रहार

|

काठमाडौं ।  मोरङ जिल्लाको केराबारी गाउँपालिकाका अध्यक्ष रोहितबहादुर कार्कीमाथि कार्यालयमै खुकुरी प्रहार भएको हो । शुक्रबार पटके करको विषयमा स्थानीय भवन ठकुरीले खुकुरी प्रहार गर्दा गाउँपालिका अध्यक्ष कार्की गम्भीर घाइते भएका छन् । घाइते गाउँपालिका अध्यक्षलाई उपचारका लागि नोबेल अस्पताल विराटनगर लगिएको छ ।

पहिला ठकुरीले गाउँपालिकाको पटके करको ठेक्का लिएका थिए । साउन १ देखि गाउँपालिका आफैले कर उठाउन थालेपछि रिस पाेख्नका लागि कार्कीमाथि खुकुरी प्रहार गरेकाे हुन सक्ने प्रहरीकाे प्रारम्भिक अनुमान रहेकाे छ ।

खुकरी प्रहार गर्ने ठकुरीलाई प्रहरीले नियन्त्रणमा लिइ अनुसन्धान सुरु गरेको छ ।

२०७७ श्रावण २, शुक्रबार प्रकाशित

निरन्तर समाचारको लागि तपाई हामीसँग फेसबुक / ट्विटरमायुट्युवमा पनि जोडिन सक्नुहुनेछ ।