|
काठमाडौं । पछिल्लो २४ घन्टाभित्र आज २९ सय ३३ जनामा कोरोना भाइरस संक्रमण पुष्टि भएको छ । पछिल्लो २४ घण्टामा भने १३ हजार ४४७ जनाको पीसीआर जाँच गरिएको छ । आजसम्म नेपालभर १४ लाख ६९ हजार ८१२ जनाको कोरोना परीक्षण गरिसकिएको छ । स्वास्थ्य तथा जनसंख्या मन्त्रालयका अनुसार नेपालमा हालसम्म १ लाख ७६ हजार ५ सय जनामा कोरोना भाइरसको संक्रमण देखिएको छ ।
पछिल्लो २४ घन्टाभित्र देशरभर नेपालभर आज ३१ सय ५० जना कोरोना भाइरस संक्रमणबाट मुक्त भएका छन् । स्वास्थ्य तथा जनसंख्या मन्त्रालयको सोमबारको प्रेस ब्रिफिङमा दिइएको जानकारीअनुसार कोरोना मुक्त हुनेको संख्या अब देशभर १ लाख ३७ हजार ९९२ जना पुगेको छ । यो भनेको संक्रमितमध्ये निको हुनेदर ७७ प्रतिशतभन्दा बढी हो ।
कोरोना संक्रमणकै कारण २४ घन्टाभित्र नेपालमा थप २४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार नेपालमा कोरोनाबाट ज्यान गुमाउनेको संख्या ९८४ पुगेको छ । कुल संक्रमितमध्ये मृत्युदर भने ०.५ प्रतिशत रहेको छ ।
