आगामी जुन ४ देखि अध्यागमनका सबै घरेलु कार्यालयहरु खुल्दै अमेरिका अमेरिकी अध्यागमन तथा आप्रवासन कार्यालयहरु आगामी महिना देखि खुल्ने भएका छन । युएससीआइएसको सार्वजनिक संलग्नता विभागद्वारा जारी विज्ञप्तिमा आगामी जुन ४ देखि अध्यागमनका सबै घरेलु कार्यालयहरु खुल्ने जनाइएको छ । फिल्ड, शरण आवेदन सहायता र प्राकृतिकरण कार्यालयहरु खुल्ने सम्बन्धि जानकारीको लागि वेभ अलर्ट हेर्नपनि भनिएको छ । कोरोना भाइरसको महामारीका कारण बन्द भएका कार्यालयहरु अमेरिकी रोग नियन्त्रण तथा रोकथाम केन्द्र सिडीसीको मापदण्डलाई पालना गर्दै खोल्न लागिइएको बताईएको छ । कार्यालयमा भइरहेका काम तथा अफुलाई कुनै जानकारी चाहिएमा सम्पर्क राख्न पनि प्रेस रिलिजमा भनिएको छ । त्यसैगरी आपतकालिन सेवाको लागि युएससीआइएसको हट लाइनमा फोन गर्नपनि भनिएको छ । युएससीआइएसका विभिन्न कार्यालयमा कामको लागि जानेहरुले अनिवार्य सिडीसीको मापदण्ड पालना गर्न भनिएको छ । यदि कोही विरामी भएको छ भने कार्यालय नआउन अनुरोध समेत गरिएको छ ।