|
नेपाल आइडल सिजन ५ का विजेता करण परियार र अस्मिता अधिकारी स्वरमा रहेको “मैले सम्झिने मान्छे’ गीतको भिडियो म्युजिक क्रेभ युटट्युब च्यानल मार्फत सार्वजनिक भएको छ ।
गीतलाई डा. विष्णु दाहालले लेखेका हुन् भने अर्जुन पोखरेलले संगीत गरेका छन् । गीतमा महाराज थापाको एरेन्ज रहेको छ ।
प्रेमिल भावको गीतको भिडियोलाई निकेश खड्काले निर्देशन गरेका छन् । भिडियोमा सनिशा भट्टराई र शीतल वाग्लेले अभिनय गरेका छन् । वाग्लेले भारतिय म्युजिक भिडियो सोनिया मा समेत मुख्य पात्रको रुपमा अभिनय गरिसकेका छन् र हाल मण्डला थिएटरबाट अभिनय सगसगै यस क्षेत्रमा रचनात्मक सोचको साथ अगाडी बढिरहेको छन् ।
भिडियोमा मानकृष्ण महर्जन र पवन सुस्लिङको छायांकन र विकास धमलाको सम्पादन तथा कलर संयोजन छ ।
२०८१ असार २३, आईतवार प्रकाशित
