|
अमेरिका/प्रवासी नेपाली मञ्च, अमेरिकाले आफ्नो दोस्रो साधारण सभाको तयारी पुरा भएको छ । अमेरिकाको बिभिन्न राज्यहरुमा आफ्ना राज्य कमिटीहरु पूर्णरूपमा चलायमान रहेको प्रवासी नेपाली मञ्च अमेरिकाले यस पटकको साधारण सभा व्यापक र भव्य बनाउन तयारीका साथ आगामी मे महिनाको २६, २०२४ मा अमेरिकाको लस एन्जलसमा साधारण सभाको आयोजना गर्न लागेको जानकारी अन्तर्राष्ट्रिय समिति सदस्य राजेन्द्र शिवाकोटीले बताए।
साधारण सभाको प्रमुख अतिथिको रुपमा पूर्व परराष्ट्र मन्त्री तथा नेकपा एमालेका उप महासचिव प्रदीप ज्ञवाली आउन लागेका छन् भने अतिथिको रुपमा अन्तर्राष्ट्रिय राज्य समितिका अध्यक्ष सञ्जय थापा आउन लागेका छन्।
साधारण सभामा क्यालिफोर्निया राज्यमा रहेका सबै सदस्यहरू, सबै राज्य कमिटीका पदाधिकारीहरू, सल्लाहकार कमिटी, बुद्धिजिवी कमिटी, विषय विज्ञ कमिटी, अमेरिका केन्द्रीय कमिटीका सबै सदस्यहरू, अमेरिका महादेश कमिटी, अन्तराष्ट्रिय कमिटी अन्तर्गत गठित सबै विभागका सदस्यहरू र अमेरिकाबाट अन्तराष्ट्रिय कमिटीमा रहनुभएका सबै नेताहरुको बाक्लो सहभागीता हुने बताइएको छ ।
कार्यक्रम नर्वाल्क र सेंतेनिला रोड छेउमा रहेको साही महलमा बिहान ९ बजे देखि ३ बजेसम्म हुन लागेको हुँदा साउदर्न क्यालिफोर्नियामा रहेका सम्पूर्ण नेपालीलाई उपस्थितिको लागि शिवाकोटीले यसै न्युजको माध्यम मार्फत अनुरोध गरेका छन् ।
