|
बर्दिया । बाघको आक्रमणबाट बर्दियामा फेरि एक जनाको मृत्यु भएको छ । शनिबार भैसी चराउन सामुदायिक वनमा गएका ठाकुरबाबा नगरपालिका वडा नम्बर ६ मोतिपुरका ७० वर्षीय गोरे थापाको मृत्यु भएको बर्दिया राष्ट्रिय निकुञ्जले जनाएको छ । भैंसी चराउन गएका थापा अबेरसम्म घर नफर्किएपछि निकुञ्जको टोलीले खोजी सुरु गरेको थियो । खोजी कै क्रममा उनको शव कालीगौडी बफरजोन सामुदायिक वनमा आइतबार विहान भेटिएको हो । टाउको र शरिरको भाग छुट्टिएको, शरीरका केही अंग बाघले खाइसकेको अवस्थतामा भेटिएको निकुञ्जको टोलीले जनाएको हो ।
२०७८ श्रावण ३, आईतवार प्रकाशित
