सिन्धुपाल्चोकमा फेरी अर्को बिपत्ति

|

सिन्धुपाल्चोक / सिन्धुपाल्चोकको बाह्रबिसे नगरपालिकाको घुम्थाङको तीन स्थानमा पहिरोमा परी ३० जनाभन्दा बढी वेपत्ता भएका छन् । ६ जनाको शव फेला परेको छ ।

आइतवार विहान घुम्थाङको भीरखर्कदेखि आएको पहिरोले नागपुजे, भिरखर्क र नेवार टोलका घरहरु पुरेको छ । पहिरोमा परी नागपुजे र भीरखर्कका १२ घर पूर्णरुपमा पुरिएको जिल्ला प्रहरी कार्यालयले जनाएको छ साथै खहरे खोलामा बाढीसहित आएको पहिरोले घरहरु बगाएको जनाएको छ ।

अरनिको राजमार्ग नजिकै रहेका नागपुजे र भीरखर्कका बस्तीहरु स्थान्तरणको तयारीमा थियो । पहिरो जोखिमका कारण बस्ती स्थान्तरण गर्ने तयारी भइरहेका बेला यस्तो विपत्ति परेको हो ।

२०७७ भाद्र २८, आईतवार प्रकाशित

निरन्तर समाचारको लागि हामीसँग तपाईं फेसबुक / ट्विटरमायुट्युव मा पनि जोडिन सक्नुहुनेछ .